Кандидатот за градоначалник од ВМРО-ДПМНЕ, Митко Тилевски, најави реконструкција на градскиот плоштад „Св.Климент Охридски“ и плоштадот кај Чинарот. Како што рече на денешната прес конференција, квалитетни и препознатливи градби како и напредни услуги за граѓаните се неопходен чекор за создавање и одржување на растот и развојот на Охрид.
„ВМРО-ДПМНЕ не застанува, како што не застана и претходните години. Продолжуваме со исто темпо, помотивирани и посветени, остануваме на патот Охрид да го направиме квалитетно место за живеење со светла иднина за охриѓани. Новите два проекта: Реконструкција на градскиот плоштад „Св. Климент Охридски“ и плоштадот „Крушевска Република“. Токму на ова место ги презентираме двата проекта како едни од главните идеи кои се дел од програмата која ќе ја реализираме во перидот 2017-2021. Градскиот плоштад „Св. Климент Охридски“ има потреба од проширување и дополнително уредување и за таа цел ќе се пристапи кон реализација на овој проект. Планирано е да се изгради нов и модерен плоштад со кој охриѓани и туристите ќе се гордеат и ќе биде најубаво уреден центар пошироко во регионот. Комплетно партерно уредување. Нов и модерен лик ќе добие Плоштадот „Крушевска Република“ со цел граѓаните да добијат уште едно уредено катче, да се постават канделабри со поставување на лед светилки за осветлување на плоштадот, изградба на фонтана, посадување садници, и поставување клупи, канти за отпадоци, и друга урбана опрема кои ќе бидат во склоп на плоштадот. Охрид ќе добие два нови плоштада каде што ќе се одржуваат познати културни и музички манифестации. Со овие проекти ќе се добијат убаво уредени места каде ќе може населението да се релаксира, разговара и да го поминува слободното време. Охриѓани го заслужуват тоа.“– истакна Тилевски.
WebOhrid